“Pse Seb është përpara meje? Më jepni lejen që të provoj ta parakaloj, nuk jam budalla”, ishin disa nga frazat e dëgjuara në komunikimin me radio mes Charles Leclerc dhe drejtuesve të Ferrarit, me pilotin francez që u nis i pari në Singapor dhe e mbylli garën në vendin e dytë, pas shokut të tij të ekipit, gjermanit Sebastian Vettel.
Ky i fundit parakaloi Leclerc i favorizuar nga strategjia e “pit-stop”-it që e kreu i pari, por francezi nuk ishte aspak i bindur në kërkesën e drejtuesve për të mos provuar aventurën e parakalimit të tij në xhirot në vijim.
“Strategjia e “pit-stop”-it ishte vendosur para garës dhe u qëndrova planeve. E di që nuk ishte vendim kundër meje, por në të mirë të skuadrës. Megjithatë është e vështirë që të kuptohen disa gjëra kur je në makinë. Duhet të më sqarojnë disa gjëra, për të kuptuar këtë situatë”, tha francezi i zhgënjyer pas përfundimit të garës.