Klubi hendbollit Çair, duke gati për ndeshjen ndaj Makabit të vlefshme për xhiron e tretë në EHF Kup. Përballja e parë ndërmjet këtyre dy ekipeve do të zhvillohet sot në Shkup, ndërsa nga tabori i Çairit janë shprehur optimist për ndeshjen, duke besuar se do të dalin me fitore nga kjo sfidë.
“Një xhiro e vështirë për ne, jo për atë që nuk kemi përvojë, pasi ky është viti i tretë për ne që luajmë në garat evropiane. Këtë vit kemi arritur më tepër rezultat dhe shpresojmë ta kalojmë edhe këtë xhiro që të jemi edhe ekipi i parë pas Kometal Gjorçe Petrovit të famshëm që plasohet në 1/8 e finales. Ekipi i Makabit është një skuadër e përbërë me shumë hendbollistë me përvojë dhe është kampion i Izraelit, por ne shpresojmë se do të ia dalim”, deklaroi Basri Latifi, trajner i klubit Çair.
“Jemi të motivuar, por fakti që na tremb është se ekipi kundërshtarë ka hendbolliste më të moshuara dhe kanë përvojë më shumë se ne në kësi lloj ndeshje evropiane. Por favori jonë është se, ekipit tjetër bën një lojë më të ngadaltë dhe ne duhet ta shfrytëzojmë atë në shpejtësi me lojë më të shpejtë. Sigurisht do të jetë ndeshje e vështirë, por jemi angazhuar maksimalisht për këtë kundërshtarë javëve të fundit, kemi dhënë maksimumin në stërvitje dhe besoj që do të reflektojë edhe në terren”, tha Leonora Rrahmani, hendbollistë.
Ndeshja ndërmjet Çairit dhe Makabit, luhet sot në palestrën e “Metallurgut” në orën 18:00, ndërkohë ndeshja e kthimit aty edhe ku do të vendoset kualifikuese për në raundin e radhës do të zhvillohet pas një jave në Tel Aviv të Izraelit.