Lamtumirë Bayern

17

Pas nëntë viteve se bashku, FC Bayern Munich ka konfirmuar që Javi Martinez do largohet në fund të sezonit.

Klubi dhe lojtari kanë arritur marrëveshje që të mos e vazhdojnë kontratën pas 30 qershorit.

Këtë e ka konfirmuar Bayerni përmes një komunikate zyrtare:

“FC Bayern dhe Javi Martinez i thonë mirë u pafshim pas nëntë viteve të suksesshme se bashku dhe faleminderit nga zemra”.

“Klubi dhe lojtari kanë arritur marrëveshje të mos e vazhdojnë kontratën pas 30 qershorit”, shkruhet në komunikatë.

32-vjeçari ka fituar Superkupën e UEFA-së, dy herë Kupën e Botës për klube, Kupën e Gjermanisë pesë herë dhe Superkupën e Gjermanisë katër herë, nëntë herë Bundesligan dhe dy herë Ligën e Kampionëve.