Ky është shqiptari i rrezikshëm që po e kërkon e gjithë Italia (FOTO)

98

Ky që shihni në foto është 23-vjeçari me origjinë shqiptare dhe banues në Romë, David De Gaetano. Ai ka alarmuar policinë italiane pasi u arratis nga spitali ku po mjekohej. Sipas mediave italiane, shqiptari ishte arrestuar pas një ndjekje të gjatë nga policia në Spoltore, për vjedhjen e një makine “Audi A6”. Por gjatë ndjekjes, për shkak te shpejtësisë së lartë dhe se shqiptari nuk i ndaloi, agjentët u detyruan të qëllonin me armë mbi të. 23-vjeçari humbi kontrollin e makinës dhe mbeti i plagosur. Ai u dërgua për mjekim në spitalin e Chieti dhe ruhej nga oficerët. Gjatë qëndrimit në spital, De Gaetano planifikoi që të arratisej. Ai thirri infermieren duke i kërkuar ndihmë dhe më pas sulmoi dy policët që bënin roje në dhomën e tij. Janë të paqarta rrethanat e sakta si ndodhi sulmi, por mediat italiane shkruajnë se dy oficerët kanë pësuar lëndime dhe ndodhen të shtruar në spital. Autoritetet publikuan në media një foto të shqiptarit, duke u bërë thirrje qytetarëve që të kenë kujdes nëse e shohin pasi është i rrezikshëm dhe të lajmërojnë menjëherë policinë për vendndodhjen e tij. Mediat shkruajnë se ai është 1 metër e 83 cm i gjatë dhe ka shenja në fytyrë për shkak të plagosjes.

 

Comments are closed.