Kush e tha që Shqipëria do të jetë Zvicra e Ballkanit?

Konstant D’ Esturnel (1858-1924) ishte senator dhe personalitet i shquar francez. Mbrojtësi i të drejtave të Shqipërisë ne fushën ndërkombëtare gjatë dhe pas Luftës I Botërore. Iu kushtua mbrojtjes së paqes në botë.

Ai kishte një vlerësim të veçantë për Shqipërinë dhe shqiptarët, duke i gjykuar hapat e zhvillimit si pozitiv.

Ishte fitues i Çmimit Nobel për Paqe në 1909. Bashkëpunëtor i Zhysten Godardit (ministri i ardhshëm francez i shëndetësisë) në vitet ’20.

Optimizmi i senatorit ilustrohet në letrën e 18 majit të vitit 1921 që i dërgon kryeministrit të Shqipërisë, Iliaz Bej Vrionit.

Paris, 18 maj 1921
Elias Bey Vrionit
Tiranë

Miku ynë, Justin Godari u rikthye në Paris thellësisht i lumtur për vizitën e tij në vendin tuaj të ri, më në fund të lirë. Lutemi të falenderoni autoritetet dhe popullsinë që e pritën si një vëlla.

Keni besim në ndihmën tonë për Shqipërinë, që ajo të realizojë përtej edhe vetë shpresës së saj bujare, në pavarësi e në paqe, të ardhmen e drejtësinë, përparimit, bashkimit, sigurisë që e ka merituar me vuajtjet shekullore dhe me enërgjitë e pamposhtur që ka.

E pasur, piktoreske, punëtore, paqedashëse dhe e respektuar, Shqipëria do të jetë Zvicra e Gadishullit Ballkanik. Udhëtarët e Botës së Lashtë dhe të Botës së RE do të venë aty për të kërkuar besimin dhe lirinë. Rroftë Shqipëria