Ka shumë gjëra që nuk e dimë me saktësi se si funksionojnë. Ta zëmë, guaska e zakonshme e tualetit nëpër shtëpitë tona i largon mbetjet përmes ujit dhe i dërgon në sistem të kanalizimit. Por, në aeroplanë të udhëtarëve ky sistem nuk mund të jetë i njëjtë. Tualeti i aeroplanëve moderne ishte shpikur nga James Kemper më 1970. Më parë, pasagjerët ishin të detyruar që jashtëqitjet t’i bënin brenda një kove të zakonshme nëpër banjo të aeroplanëve. Sistemi vakum i Kemperit së pari u nxor në përdorim në aeroplanët Boeing më 1982. Kur pasagjerët shtypin një buton të posaçëm, përmes vakumit pneumatik i merr dhe i izolon mbetjet brenda një sistemi të mbyllur të jashtëqitjeve. Megjithatë, përkundër gojëdhënave, piloti nuk e ka mundësinë të lëshojë mbetjet njerëzore direkt nga ajri, por sistemi pastrohet kur aeroplani të ketë ateruar në tokë.