KRIMI BRENDA FAMILJES: “Janari i zi” përfundoi me 6 vrasje
Titujt e kronikave të zeza janë të frikshme, por të frikshme janë edhe statistikat që thonë se nga viti i ri janë kryer gjashtë vrasje vetëm për një muaj, ku numri më i madh është brenda familjes
Zenel MIFTARI
Shkup, 4 shkurt – Muaji janar ka qenë i mbushur me kronikën e zezë dhe kryesisht këtë kronikë e kanë mbushur krimet brenda familjes. “Djali vrau babanë”, “Babai vrau djalin”, “Vrau nënën dhe gjyshen, donte të vriste edhe dajën” janë vetëm disa nga titujt që ishin pjesë e lajmeve që qarkullonin ditë të fundit. Titujt janë të frikshëm, por të frikshëm janë edhe statistikat që thonë se nga viti i ri janë kryer deri në gjashtë vrasje vetëm për një muaj, ku numri më i madh është brenda familjes. Arsyeja e shfaqjes së këtyre vrasjeve dhe dhunës në familje është edhe çështjet ekonomike. Autorët e dhunës në familje mund të jenë të motivuar nga pafuqia e tyre ekonomike, ndërsa viktimat e dhunës në familje, për shkak të pafuqisë ekonomike, heshtin dhe nuk e raportojnë dhunën. Sipas statistikave zyrtare në nivel shtetëror, ka mundësi që të jetë ulur numri i viktimave të dhunës në familje, çka nuk do të thotë domosdoshmërish se dhuna në familje ka rënë. Nga ana tjetër, sipas të dhënave të Qendrës së Krizave “Shpresa”, nga informacionet që kanë marrë gjatë hulumtimeve të tyre, viktimat e dhunës në familje kanë nevojë për një periudhë më të gjatë për t’u inkurajuar për të raportuar dhunën dhe arsyeja kryesore për këtë është mosbesimi në institucionet dhe pasiguria se do t’u sigurohet ndihma dhe mbrojtja e duhur.
Kështu, vrasja e parë ka ndodhur më dy janar të këtij viti, kur P.I. (25) nga Strumica, ka vrarë M.B. (83) nga Strumica, e cila është gjetur e pajetë në shtëpinë e saj. Sipas buletinit të policisë, i riu i ka kërkuar para gruas me të cilën ka lidhje familjare dhe pasi nuk i ka marrë, e ka sulmuar dhe ajo ka ndërruar jetë nga plagët e marra. Ai ka pranuar krimin dhe tani ndodhet në paraburgim.
Ndërsa më 11 janar, në rrugën “Ruzhveltova” në Shkup ka ndodhur një vrasje e dyfishtë. Personi me inicialet M.J. (40) nga Shkupi, për shkak të dyshimit se me një objekt të mprehtë ka sulmuar nënën dhe gjyshen e tij rreth moshës 60 dhe 80 vjeçare, të cilat nga plagët e marra kanë ndërruar jetë. Në hetimet e mëtejshme u konstatua se ai donte të vriste edhe dajën e tij, por ai hoqi dorë, ndaj shkoi te mjeku i familjes për të kërkuar ndihmë dhe aty rrëfeu se kishte vrarë nënën dhe gjyshen. Gjithashtu edhe një tentativë për vrasje, është konstatuar nga organet e policisë më 14 janar, kur një baba 46-vjeçar ka tentuar të vrasë djalin e tij në një restorant afër Bit Pazarit në Shkup. “Pas një mosmarrëveshjeje të shkurtër verbale, për të cilën paraprakisht ishin prishur marrëdhëniet e ndërsjella, i dyshuari ka marrë një thikë kuzhine dhe të lënduarit i ka shkaktuar tri plagë me thikë në pjesën e barkut, parakrahut të djathtë dhe shpinës, duke i shkaktuar lëndime të rënda trupore”.
“Ai është penguar në kryerjen e vrasjes nga një dëshmitar i cili ka ndihmuar viktimën dhe e ka dërguar në spital”, tha prokuroria. Vetëm pesë ditë më vonë, një djalë vrau një baba. Përkatësisht, M. është ndaluar. Dhe (33) nga Shkupi, për faktin se babai i tij JI është gjetur i vdekur në shtëpinë familjare në zonën e Gazi Babës. (62), me plagë me armë zjarri, dhe djali dyshohet për vrasje. Ndryshe, numri i viktimave të dhunës në familje në vitin 2022 është ulur për 4,3 për qind në krahasim me vitin 2021. Derisa dhuna psikologjike është më e raportuara, pësuar me dhunën fizike, gjashtë raste të dhunës seksuale, si dhe të dhunës ekonomike. (koha.mk)
