Kremlini: Gjithçka varet nga Bajdeni

17

Moskë, 20 janar – Kremlini vlerësoi se përmirësimi i marrëdhënieve  ndërmjet Rusisë dhe SHBA-së varet vetëm nga “vullneti politik” i Xho Bajden, i cili sot në Uashington  u betua si presidenti i 46-të i SHBA-së.

“Në Kremlin askush nuk përgatitet për këtë inaugurim. Kjo nuk do të ndryshojë asgjë për Rusinë, e cila, siç ka ndodhur për shumë vite, do ta vazhdojë ekzistimin  duke këmbëngulur se ka marrëdhënie të mira me SHBA-në”, deklaroi zëdhënësi i Kremlinit, Dmitrij Peskov.

Ai shtoi se rringjallja e marrëdhënieve ndërmjet Moskës dhe Uashingtonit varet nga “vullneti politik” i Bajdenit dhe administratës së tij.

Marrëdhëniet Rusi-SHBA janë në  nivelin më të ulët nga Lufta e ftohtë për shkak të mospajtimeve për një numër të madh të çështjeve.

Paraprakisht, presidenti i Rusisë, Vlladimir Putin njoftoi se ardhja e Bajdenit në Shtëpinë e Bardhë  nuk sjell lehtësim.