Konferencë ndërkombëtare për sfidat e sigurisë së Ballkanit

Konferencë ndërkombëtare “Ballkani mes Lindjes dhe Perëndimit: sfida të vjetra dhe/apo të reja të sigurisë”, do të mbahet prej sot deri të enjten në Ohër në organizim të Institutit për siguri, mbrojtje dhe paqe pranë Fakultetit Filozofik në Shkup dhe Fakultetit për Siguri në Beograd.

Në konferencë janë paralajmëruar pjesëmarrës nga Maqedonia, Britania e Madhe, Italia, Suedia, Danimarka, Hungaria, Turqia, Bullgaria, Sllovenia, Kroacia, Serbia, Mali i Zi, Bosnja e Hercegovina etj…

Qëllimi kryesor i konferencës është në një vend të tubohet bashkësia akademike nga Maqedonia dhe jashtë vendit për shkak të këmbimit të mendimeve dhe diskutimeve për çështjet më të rëndësishme lidhur me sigurinë në botë në shekullin 21. Në hapjen e konferencës është paralajmëruar fjalim i kryetarit të Kuvendit Talat Xhaferi.