Klaivert refuzon zgjatjen e kontratës me Ajaksin

29

Xhastin Klaivert mund të largohet nga Ajaksi gjatë merkatos së verës, pasi konfirmoi se ka refuzuar një ofertë të re të kampionëve të shumëfishtë të Holandës. Shfaqjet e 19-vjeçarit për skuadrën e Amsterdamit kanë tërhequr interes nga e gjithë Evropa, por ai kishte ruajtur dëshirën e tij për të qëndruar në kryeqytetin holandez. Megjithatë, negociatat hasën një pengesë në javët e fundit, duke çuar drejtorin e Ajaks, Edvin van der Sar, për të sugjeruar në televizion se agjenti i Klaivertit, Mino Raiola, po përpiqej ta bindte atë të largohej. Tensioni është rritur që atëherë, kur lojtari është bërë objekt i kritikave nga tifozët dhe akuzat e lakmisë. Por, është Ajaksi, që po kujdeset për interesat e veta financiare, ndërsa Klaivert këmbëngul, duke i dhënë atij një ultimatum: ose të nënshkruajë një marrëveshje të re, ose do të shitet përpara se t’i skadojë kontrata aktuale, e cila zgjat deri më 2019. “Ajaksi dëshiron që të zgjas kontratën time, në mënyrë që të mund të kërkojë më shumë, kur të më shesë, – tha ai për “Volkskrant”. – Çfarë duan ata me të vërtetë? Plani im ishte të qëndroja, por shumë gjëra kanë ndodhur kohët e fundit. Tifozët mendojnë se është vetëm për para, ndërsa të gjithë e dinë se isha mirë në këtë drejtim. Unë dua të zhvilloj veten time. Kam folur shkurtimisht me drejtorin teknik, Mark Overmars, por ndihem i shtyrë për t’u larguar. Gjëja më e rëndësishme për Ajaksin është që ta zgjas kontratën time, atëherë kjo nuk ka të bëjë me futbollin, por me paratë”, deklaroi Klaivert.

Comments are closed.