Këshilli i prokurorëve publik do të diskutojë për Janevën nga e hëna

Shkup, 23 gusht – Seanca e Këshillit të prokurorëve publik ku duhet të fillojë procedura për shkarkimin e prokurores speciale publike Katica Janeva do të caktohet nga e hëna pasi nuk janë dorëzuar komplet dosjet që janë mbledhur.

Kryetari i Këshillit të prokurorëve publik Kole Shterjev në deklaratën për MIA ka thënë se deri te ta është dorëzuar raporti, por nuk janë kompletuar dosjet që duhet t’i dorëzojë Prokuroria për ndjekje të krimit dhe korrupsionit për aktivitete që janë ndërmarrë në hetimet dhe parahetimet për rastin “Reket” ku e akuzuar është edhe prokurorja speciale publike Janeva.

Pasi të merren komplet dosjet, siç ka thënë Shterjev do të caktohet seancë ku do të fillojë seanca për shkarkimin e Janevës.

Pas arrestimit të Janevës PSP është në udhë pa krye, fati i saj i pazgjidhur për shkak të ngecjes së negociatave mes pushtetit dhe opozitës për ligjin e Prokurorisë publike ku zgjidhet statusi i saj.

Sipas prokurorit publik, Lubomir Joveski i cili thirret në Ligjin për prokurori publike në rast të këtillë duhet të reagojë Këshilli i prokurorëve publik dhe të emërojë ushtrues detyre. Ajo nënkupton se zëvendësim i Janevës do të ishte ndonjë nga kolegët ose koleget e saja.

Ligji për PSP-në në nenin 18 thotë se prokurori publik mund të shkarkohet nga funksioni para skadimit të mandatit për shkak të kryerjes joligjore apo joprofesionale të funksionit. Nëse Këshilli i prokurorëve publik fillon procedurën e shkarkimit të prokurorit publik në afat të arsyeshëm duhet të dorëzojë deri në Kuvend raport për situatën faktike dhe bazat e shkarkimit. Raporti do të ishte i qasshëm për publikun përmes komisioneve në Kuvend, vetëm nëse ndonjë prej komisioneve nuk e anulon ose e pengon publikimin e një pjese të raportit, nëse e gjen të nevojshme të mbrohen të drejtat e çdo personi në raport ose të pengohet ndikimi i palejuar në çfarëdo ndjekje penale.

Nga ana tjetër, kryetari i Këshillit të prokurorëve Kole Shterjev mendon se nuk mund emërojë u.d prokuror special pa i skaduar mandati Janevës.

E pyetur nëse është i mundur emërimi i u.d. shef të PSP-së, prokurorja publike Lile Stefanova tha se Ligji për PP-në, i cili vlen nëse disa dispozita tashmë nuk janë caktuar me Ligjin për PSP-në, ka më shumë zgjidhje.

“Ka zgjidhje për veprim të ushtruesve të detyrës, zgjidhje për veprim të prokurorit i cili e zëvendëson atë që mungon apo është i penguar të punojë. Megjithatë, ato janë kompetenca të Këshillit të prokurorëve publikë dhe ta lëmë ata të sjellin vendim. Siç kuptova, tashmë janë në procedurë dhe do të shohim çka do të sjellin”, deklaroi Stefanova.

Lidhur me atë nëse e sheh veten si shefe e ardhshme e PSP-së, Stefanova tha se as nuk e sheh, as nuk ka për qëllim të konkurrojë për shefe të PSP-së. (koha.mk)