Shkup, 10 gusht – Këshilli i Evropës dje në platformën e tij për mbrojtje të gazetarisë dhe sigurisë së gazetarëve publikoi paralajmërim për ndryshimet dhe plotësimet e Kodit Zgjedhor, të cilat mund të ndikojnë në mënyrë negative kundër lirisë së mediave në Maqedoni. Në paralajmërimin theksohet se burimi i këtij kërcënimi të lirisë së mediave është pikërisht shteti maqedonas.Ky paralajmërim vjen me kërkesë të Shoqatës së Gazetarëve të Maqedonisë drejtuar Platformës së Këshillit të Evropës, e cila në reagimin e saj i referohet deklaratës së përbashkët të SHGM, Sindikatës së Pavarur të Gazetarëve dhe Këshillit për Etikë.
“Ndryshimet në Kodin Zgjedhor të miratuara më 25 korrik, të vitit 2018 nga Kuvendi i Maqedonisë në procedurë të shpejtë, si rezultat i marrëveshjes politike midis liderëve të katër partive kryesore politike. Një nga ndryshimet në Kodin Zgjedhor autorizon Komisionin Shtetëror Zgjedhor t’i regjistrojë dhe vlerësojë raportimin e mediave onlajn gjatë kohës së zgjedhjeve. Gjithashtu, neni 181a i ligjit parasheh dënime deri më 4.000 euro për mediat tradicionale dhe onlajn për “raportim të pabalancuar dhe të paanshëm”, thuhet në paralajmërimin e Platformës së Këshillit të Evropës.
Paralajmërimi i është dërguar Kuvendit të Maqedonisë, i cili në periudhën në vijim është i obliguar të sqarojë këto ndryshime të cilët kufizojnë lirinë e mediave.
#Macedonia Following amendments to the electoral code, the Election Commission can fine media for ‘unbalanced reporting’ https://go.coe.int/fSh9X @EFJEUROPE @IFJGlobal
Amendments to the Electoral Code Empower State Election Commission to Issue Fines to Media for…
Several amendments to the Electoral Code were passed on 25 July 2018 by the Macedonian Parliament in a fast-track procedure, as a result of a political agreement between the leaders of the four main…
