Loja e njohur si “9-Ball” në Shtetet e Bashkuara të Amerikës, ka filluar ngjarjen për çmimin mbi 200,000 dollarësh. Lojën e kanë filluar 160 lojtarë të cilët konkurruan me njëri tjetrin, e tani kanë mbetur 8 lojtarë, ndër ta edhe shqiptari Klenti Kaçi, transmeton Koha.net. Kjo ngjarje ka filluar më 22 tetor.
Sot në orën 00:30, sipas kohës lokale 18:30, do të luajë Kaçi, i cili është 3 fitore larg për të marrë çmimin e madh. Klenti Kaçi është 18-vjeçar, e që deri tani nuk ka asnjë humbje. Kaçi ka filluar të luaj bilardo në moshën 8-vjeçare, ndërkaq në vitin 2013 u propozua për Kampionatin Evropian të meshkujve, përcjell Koha.net.
Ai mori pjesë edhe në një turne në Qipro, e pak kohë më vonë filloi të marrë medaljet e para në Kampionatin evropian.