Juventus në alarm. Fitorja e pastër tre me zero ndaj Chievos në kampionat ka sjellur lajme jo të mira për trajnerin e bardhezinjve Masimiliano Allegri. Reparti i mesfushës është sektori ku duket sa ka më shumë probleme. Khedira dhe Marchisio nuk gëzojnë formën e tyre më të mirë fizike. Ankth në radhët e kampionëve të italisë ka edhe për gjëndjen fizike të sulmuesit Mario Mandzukic, i cili në përballjen ndaj Chievos mori një godijte në pjesën e pulpës. Gjëndja e kroatit mbetet për tu parë. Situatë aspak komode paraqitet edhe në mbrojtje. Alex Sandro po kalon një gjëndje gripale, ndërsa Giorgio Chiellini, pas dëmtimit të pësuar në seancat stërvitore me Kombëtaren e Italisë po bën gjithcka që ti ritkhehet sa më shpejt fushës së blertë.
Situata nuk duket aspak pozitive në kampin bardhezi. Javën e ardhshme kampionët e italisë do të nisin misionin e tyre në fazën e grupeve të Champions League, ku ndalesën e tyre të parë do ta kenë në transfertën ndaj Barcelonës. Nga ana tjetër teknikut Allegri nuk i mbetet gjë tjetër vecse të shpresojë që gjëndja e disa prej lojtrave kyc të shkojë drejt normalitetit edhe pse 50-vjecari në të shumtën e rasteve, për ndeshjet në kampionat ose champions nuk është mbështetur tek futbollistët e sapo rikthyer nga dëmtimi.