Trembëdhjetë persona janë lënduar në tetë prej gjithsej 15 aksidenteve të regjistruara gjatë 24 orëve të fundit në rajonin e SPB Shkup. Në shtatë aksidente është shkaktuar dëm material. Nga MPB informojnë se dje policia rrugore ka zbuluar dhe sanksionuar një numër më të madh kundërvajtjesh. Njëzet shoferë kanë lëvizur me shpejtësi më të madhe nga e lejuara, tre shoferë kanë kaluar në dritë të kuqe të semaforit në udhëkryq dhe dy shoferë nuk kanë dhënë përparësi në kalim këmbësorëve, si dhe tre shoferë që janë parkuar në mënyrë jo të rregullt. Nga komunikacioni janë përjashtuar tre shoferë të cilët e kanë drejtuar automjetin para se të pajisen me patentë dhe dy shoferë fillestar, si dhe pesë automjete të paregjistruara. Janë sanksionuar edhe 10 këmbësorë të cilët kanë kaluar rrugën jashtë vendkalimeve për këmbësorë dhe tetë shoferë të cilët kanë kaluar në vendkalimet për këmbësorë në dritë të kuqe. Janë hasur 88 automjete të parkuara në mënyrë të parregullt. Me ndihmën e automjetit të posaçëm të karrotrecit janë larguar 95 automjete.