Muaji janar i vitit 2023 karakterizohet si muaj ekstrem i ngrohtë dhe mesatar deri në muaj të lagësht në krahasim me vlerat mesatare shumëvjeçare. Temperatura mujore ka lëvizur nga 0.9 gradë Celsius në Mavrovë deri në 7.6 në Gjevgjeli. Krahasuar me temperaturat mesatare mujore të janarit, për një periudhë tridhjetëvjeçare (1991-2020), ky vit ka qenë 3.3 gradë mbi mesataren në nivel shtetëror, informon DPHM.
Në dekadën e dytë të muajit janë shënuar temperatura të larta maksimale dhe minimale, të pazakonta për këtë pjesë të vitit dhe nga data 17 deri më 24 ka pasur depërtim të valës së ngrohtë. Temperaturat mesatare maksimale kanë qenë nga 5.1 gradë në Mavrovë deri në 12.6 gradë në Gjevgjeli. Temperatura maksimale më e lartë është matur më 18 janar në Demir Kapi dhe ka qenë 19.9 gradë, por nuk ka qenë më e lartë se maksimalja absolute prej 20.3 gradë e matur në Gjevgjeli në janar të vitit 2018.
Temperaturat minimale mesatare kanë qenë nga -2.1 gradë në Berovë deri në 3.5 gradë në Gjevgjeli. Temperatura më e ulët gjatë muajit është matur në Berovë më 7 janar dhe ka qenë -7.4 gradë.
Në janar të këtij viti, sasia mujore e reshjeve në vend ka qenë nga 22 mm në Zajçev Rid të Shkupit deri në 178 mm në Mavrovë.
Reshjet kanë qenë nga shiu dhe bora, kryesisht gjatë dekadës së dytë të muajit. Reshjet maksimale ditore prej 42.7 mm janë regjistruar në Demir Kapia më 24 janar.
Në Kodrën e Diellit është matur shtresë maksimale e borës prej 91 cm është matur në më datë 24.
Krahasuar me vlerën mesatare të janarit për një periudhë shumëvjeçare (1991-2020), sasia mujore e matur e reshjeve ka qenë 20 mm mbi mesataren në nivel të shtetit.