Italia e kalon Francën për pranimin e azilkërkuesve

Në vitin 2018 Italia kaloi Francën, në Evropë, për sa i përket dhënies së mbrojtjes ndërkombëtare për azilkërkuesit, duke u vendosur në vend të dytë pas Gjermanisë, sipas të dhënave të “Eurostat”.

Në vitin 2018 të 28 shtetet anëtare, në tërësinë e tyre, kanë dhënë mbrojtje ndërkombëtare për 333 355 refugjatë, transmeton atsh.

Mbi 40% e përgjigjeve pozitive për azil janë dhënë nga Gjermania (139 600), më pas nga Italia me 47 885 e ndjekur nga Franca me 41 440. Në vitin 2017 azilkërkuesit që kishin marrë përgjigje pozitive ishin 538 000.