Presidenti amerikan Donald Tramp sot deklaroi se SHBA-ja do t’i mbështesë demonstruesit iranianë “në momentin e duhur”. “Respekt të madh për njerëzit në Iran të cilët përpiqen të lirohen nga qeveria e tyre e korruptuar. Do të fitoni më shumë mbështetje nga SHBA-ja në kohë të duhur”, shkroi Tramp në Tuiter.
Një përfaqësues i pushtetit gjyqësor, madje, sot njoftoi se një qytetar i një vendi evropian është arrestuar në protestat antiqeveritare në Iran. Ai nuk saktësoi se i cilit nacionalitet është i arrestuari. “Personi është trajnuar nga shërbime zbuluese evropiane dhe i udhëhiqte trazirat”, deklaroi Hamidreza Abollhasan, shef i gjykatës së qarkut.