Iniesta asist magjik nga 50 metra, por çfarë finalizimi (VIDEO)

Andres Iniesta vijon të na dhurojë perla nga Japonia, këtë herë ka qenë një asist i nisur nga këmbët e spanjollit. Në një distancë prej 50 metra 35-vjeçari nisi një top drejt mesfushorit Furuhashi, i cili arriti ta kontrollojë si duhet dhe goditi bukur dhe saktë nga jashtë zone duke tundur rrjetën.

Ky gol i shënuar në pjesën e parë, nuk mjaftoi për Vissel Kobe, sepse në të dytën skuadra vendase e Shonan shënoi plot tre gola të tjerë, duke përmbysur shifrat në 3-1. Në fushë për 90 minuta të plota luajti Iniesta dhe spanjolli tjetër David Villa.