Një nga protagonistët kryesorë të ndeshjes Lacio-Inter, ishte pa dyshim Çiro Imobile. Golashënuesi më i mirë i Serisë A nuk kishte se si të mungonte edhe në një ndeshje si ajo me Interin. Goli i tij nga pika e bardhë ishte edhe pika e kthesës për skuadrën e tij.
“Shënoj atëherë kur duhet. Kam dalë dy herë golashënuesi më i mirë dhe shpresoj ta bëjë sërish. Duhet të rris performancën time pasi Ronaldo dhe Lukaku janë aty. Jam këtu edhe për meritë të shokëve të mi, të cilët më kanë ndihmuar shumë në këtë sezon. Tani të shohim se sa larg mund të shkojmë, do të jetë një sezon i vështirë, por ndaj Interit treguam se mund të përballemi me këdo”, tha Imobile.