Shkup, 13 shtator – Shkëndija pa shumë vështirësi siguroi kualifikim në 1/8 e finales së Kupës së Maqedonisë, pasi mundën 2:0 Kozhufin në Gjevgjeli. Besart Ibraimi dhe Omar Imeri shënuan golat që në pjesën e parë të takimit, për të menaxhuar në vazhdim lojën dhe energjinë. Për Omar Imerin ky ishte goli i parë zyrtarë me fanellën e Shkëndijës dhe sulmuesi i ri nuk ka fshehur kënaqësinë që gjeti rrjetën dhe ndihmoi ekipin të kalojë më tej.
“Shkëndija gjithmonë kërkon të fitojë gjithçka dhe këtu erdhëm për të fituar. Shënuam shumë herët golat dhe në pjesën e dytë vetëm menaxhuam lojën për të siguruar me meritë kualifikimin në raundin e radhës”, deklaroi i riu Omar Omeri, duke folur në vazhdim për golin e parë me Shkëndijën.