Gara dhe rivaliteti mes Interit dhe Juventusit mund të jetë edhe jashtë fushës së blertë. Qëllimi i përbashkët i tyre është Stefan De Vrij, kontrata e të cilit me Lacion skadon më 30 qershor. Bardhezinjtë duket se kanë pajtim me ardhjen e tij të sigurt, të planifikuar për sezonin e ardhshëm, por shpërthimi i Benatias, në “gdhendje” për një rol udhëheqës në mbrojtjen torineze, që ka pësuar zero gola në gjashtë sfidat e fundit, mund ta ndryshojë skenarin.
Siç është raportuar nga “La Gazzetta dello Sport”, De Vrij nuk do të jetë i gatshëm për të pranuar propozimin e rinovimit me Lacion (2,5 milionë deri në vitin 2021). Interi do të ofrojë një kontratë 5-vjeçare për De Vrij, me 3.5 milionë, plus bonuset, në sezon. Për këto të fundit do të nevojitet dritë jeshile e Suning. Megjithatë, në “Appiano Gentile” ekziston një optimizëm i vërtetë.
Holandezi qendror nuk është objektivi i vetëm për merkaton e janarit: në fokus mbetet Ramires (por fiton 10 milionë euro në sezon), në pronësi të Jiangsu Suning. Braziliani do të kontrollohej në orët e fundit nga Bajern Munih, i cili hap skenarë të paparashikueshme për Arturo Vidal. Kilianin, Interi ende e konsideron një mundësi më tepër se futuriste, edhe pse deri më tani nga Bavaria kanë ngritur një “mur 40 milionësh”, duke refuzuar Interin të propozojë huazim dyvjeçar, me detyrim të blerjes përfundimtare, që të mos bëjë më tepër barrë në buxhetin aktual.