Sallonet e automobilëve janë një mundësi fantastike për të parë makinat e së ardhmes dhe për t’u prezantuar me dizajne të reja. Mendjet e ndritura të Hyundai-t, në bashkëpunim me Institutin Europian të Dizajnimit, kanë pritur Sallonin e Gjenevës për të treguar për herë të parë prodhimin e tyre më të ri: Hyundai Kite. Bëhet fjalë për një mjet elektrik me dy vende, i ideuar për plazhe ranore. Por, mund të shndërrohet edhe në një “jet ski” për në ujë. Hyundai Kite është një mjet pa porta, pa çati dhe pa dritare.