Gjykimi për Komunën Qendër vazhon më 18 nëntor

Gjykimi për dhunën para Komunës Qendër në qershor të vitit 2013 vazhdon më 18 nëntor pasi sot procedura filloi prej fillimit për shkak të skadimit të 90 ditëve nga mbajtja e seancës së fundit.

Për seancën e ardhshme është thirrur si dëshmitar këshilltari teknik i mbrojtjes.

Rastin e udhëheq gjykatësi Dushko Josifovski, ndërsa përfaqësuese e aktakuzës është Fatime Fetai.

Në lëndën “Dhunë në Komunën Qendër” të akuzuar janë më shumë persona, në mesin e të cilëve edhe ish-kryeministri Nikolla Gruevski i cili është në arrati në Hungari, ish-ministri i Transportit dhe Lidhjeve, Mile Janakieski, si edhe ish-këshilltarja e VMRO-DPMNE-së, Daniela Rangellova dhe tetë persona të tjerë.