Gjykata supreme ka konfirmuar dënimet me burg për Gruevski, Popovskin dhe Jankulloskën

199

Shkup, 18 shtator – Gjykata Supreme ka refuzuar kërkesat e të dënuarve Nikolla Gruevski, Gjoko Popovski dhe Gordana Jankuloska në çështjen “Tank” dhe ka lënë në fuqi vendimet e Gjykatës së Apelit Shkup.

Ish-ndihmësi i ministrit të brendshëm Gjoko Popovski u dënua me gjashtë vjet e gjashtë muaj burg dhe tashmë po vuan dënimin e tij.

I akuzuari i dytë, ish-kryeministri Nikola Gruevski, u dënua me dy vjet burg për nxitje të krimit.

Gjykata e Apelit Shkupit, pasi mbështeti pjesërisht ankesat e të pandehurës Gordana Jankulloska në çështjen “Tank”, uli dënimin me burg nga gjashtë në katër vjet.

Të tre u dënuan se në periudhën nga shkurti deri në fund të tetorit 2012, Nikolla Gruevski si zyrtar përdori ndikimin dhe pozicionin e tij zyrtar dhe kërkoi nga Ministrja e Brendshme Gordana Jankuloska të kryejë një prokurim publik në të cilin Ministria do të blejë një automjet të ri të blinduar “Mercedes ”, modeli“ S-600 guard”, dhe në procedurë u favorizua operatori ekonomik M.A. SHPKNJP, përfaqësuesi i përgjithshëm dhe distributor i automjeteve të markës “Mercedes”.

Automjeti është blerë për 600 mijë euro.

 

Comments are closed.