Gjendje kritike e tre pacientëve në spitalin “8 Shtatori”, nga tre të tjerë në KARIL dy janë në gjendje stabile

Shkup, 17 shkurt – Në Spitalin e përgjithshëm të qytetit “8 Shtatori” janë hospitalizuar  18 pacientë, ndërsa tre prej tyre janë në gjendje kritike. Në gjendje stabile shëndetësore janë 15 pacientë  të tjerë  dhe po shërohen nga lëndimet  në aksidentin e rëndë  që ndodhi  të mërkurën në autostradën Shkup-Tetovë në Llaskarcë. Njëri pacient dje është lëshuar për shërim në shtëpi, kumtoi Ministria e Shëndetësisë, njofton Koha.

Në Qendrën klinike në Shkup janë hospitalizuar gjashtë pacientë, prej të cilëve tre  në Klinikën për Anestezi, Rianimim dhe Shërim Intensiv – KARIL. Dy prej tyre janë në gjendje stabile.

“Pacienti i cili është hospitalizuar në Klinikën për Kirurgji Torokale dhe pacientja (shtatzënë), e cila gjendjet në Klinikën për Gjinekologji dhe Obstetrikë, janë gjithashtu në gjendje stabile shëndetësore. Për momentin bëhet operacioni  i pacientes  nga Neurokirurgjia”, kumtoi Ministria e Shëndetësisë. Pacientja e cila gjendet në spitalin e Tetovës  është në gjendje të mirë shëndetësore. (koha.mk)