“Gardian”: “Toka e mjaltit” do të merr çmim “Oskar” për dokumentar më të mirë

Shkup, 8 shkurt – “Toka e mjaltit” do të merr çmim Oskar për film më të mirë dokumentar, parasheh gazeta e njohur britanike “Gardian” në parashikimet e fituesve në gjitha kategoritë të ndarjes së sivjetmë të çmimeve të Akademisë amerikane te filmit që do të mbahet nesër mbrëma në teatrin “Dolbi” në Los Anxhelos, përcjell KOHA.

Sipas Piter Bredshout, kritik fimik në “Gardian” në kategorinë dokumentar më të mirë, filmi nga Maqedonia “Toka e mjaltit” do t’i fitojë konkurrenët: bashkë-produksionin britanik- amerikan “Për Samën”, atë siriane- daneze “Shpella, “Në pragun e demokracisë” të Brazilit dhe atë amerikane “Fabrika amerikane”.

Në kategorinë e dytë ku është i nominuar “Toka e mjaltit”- film ndërkombëtar (i huaj-joanglez), Bredshou parasheh se çmim Oskar do të fitojë edhe filmi “Parazit” nga Korea Jugore.

Ne këtë kategori në garë për statujën e artë janë edhe “Korpus Krishti” nga Polonia, “Të mallkuarit” nga Franca dhe ajo spanjolle “Dhimbje dhe lavdi”.

Ceremonia e 92-të e ndarjes së çmimeve Oskar në teatrin “Dolbi” në Holivud fillon nesër mbrëma në orën 2 pas mesnate sipas kohës së këtushme, ndërsa do të transmetohet në më shumë se 220 vende dhe territore të botës.

Ndryshe, kinematografët shqiptarë Samir Luma dhe Fejmi Daut, janë fitues të çmimit për kinematografi më të mirë për filmin dokumentar “Toka e mjaltit”. (koha.mk)