“Gardhi” i Lendita Zeqirajt, fitues i çmimit “Best Narrative Short” në NOFF

Filmi “Gardhi” nga Lendita Zeqiraj i cili sëfundmi fitoi çmimin kryesor në Hamptons Film Festival në SHBA, duke iu ofruar edhe më afër mundësisë për t’u nominuar për OSCAR, tashmë është bërë fitues edhe i një tjetër çmimi të rëndësishëm, shkruan KultPlus.
Ai tashmë ka fituar çmimin “Best Narrative Short” në New Orleans Film Festival.

Zeqiraj është shprehur e lumtur për këtë fitore të radhës.

“Gardhi” është bashkëprodhim i shtëpisë filmike kosovare N’art, Sacrebleu Productions nga Franca dhe Woof Films nga Kroacia dhe është përkrahur financiarisht nga Qendra Kinematografike e Kosovës, Cinema Fondacioni – Region Ile De Francedhe me mbështetje nga Komuna e Prishtinës, raporton 21.

Në këtë film luajnë: Arti Lokaj, Ilire Vinca, Adriana Matoshi, Rozafa Çelaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina.