Botërori i Klubeve i fituar nga Real Madrid kundër Kashima Antlers, këtë të dielë, e çon në 21 numrin e titujve ndërkombëtarë në historinë e klubit “merenges”, duke thyer ekuilibrin që zgjaste deri më sot me Barcelonën për sa i përket këtij aspekti. “Los Blancos” kanë vënë në vitrinë e “Santiago Bernabeu” koleksionin më të mirë të titujve në botën e futbollit. Në 114 vitet e historisë, Real ka fituar 11 trofe të Champions League, 2 Botërore për Klube, 3 Kupa Interkontinentale, 3 Superkupa të Europës, 2 Kupa UEFA. Barcelona ka fituar 20 trofe ndërkombëtare, një titull më pak se Real Madrid. Katalanasit kanë 5 trofe të Champions League, 3 Botërore për Klube, 5 Superkupa të Europës, 3 Kupa Panairesh, 4 Kupa Kupash.