“Francezët vendimtar në transferimin tim te Arsenali”

Matteo Guendouzi ka treguar sërish arsyen pse vendosi që të transferohet gjatë verës te Arsenali. Mesfushori është vlerësuar si një zbulim në Ligën Premier, kur u transferua nga skuadra e të rinjve francez të Lorientit. Ai i tha për kanalin televiziv të klubit londinez se kur ishte fëmijë të ketë shikuar shumë ndeshje të Topçinjve teksa shihte idolët e tij të Francës.

“Kur isha i ri, pashë shumë video të Arsenali. Isha shumë i ri në kohën kur atje luanin shumë futbollistë francezë, kështu që kjo ndikoi në përzgjedhjen time të ekipit. Unë e pashë PSG-në shumë kur isha i ri, por jashtë vendit, Arsenali ishte një nga skuadrat që shikova më së shumti nga fakti se kishte shumë francezë”, tha lojtari i talentuar.

Theksojmë se 19-vjeçari deri më tani ka pasur 13 paraqitje për skuadrën e drejtuar nga Unai Emery. Ndryshe, lojtari konsiderohet si e ardhmja e futbollit jo vetëm francezë, por edhe botëror.