Fjalët e para të Rey Manajt si futbollist i Barcelonës

19

Rey Manaj ka folur pas transferimit e Barcelona, duke thënë se tani është në klubin më të madh në historinë e futbollit.

Futbollisti i Shqipërisë, i cili tashmë do të luajë për të rinjtë e Barcelonës, pranon se hodhi poshtë çdo propozim të klubeve të tjera në momentin që katalanasit u interesuan për të.

Në intervistën e tij të parë si lojtar i Barcelonës B, 22-vjeçari tregon se synon që sezonin e ardhshëm skuadra të ngjitet në La Liga 2.

“Mendoj se është një nga ditët më të rëndësishme të jetës sime. Vij te një klub i madh, për të cilin mendoj se është më i madhi në historinë e futbollit. Mezi prej që të luaj me ekipin e ri. Kur Barcelona më bëri ofertë, nuk pranova të merrja në shqyrtim asnjë propozim tjetër dhe e vetmja gjë që dëshiroja ishte të mbërrija sa më shpejt këtu. Tani jam shumë i lumtur”, deklaroi Manaj.

Manaj la nënshkruar tri vite me Barcelonën B dhe do të mbajë veshur fanellën me numrin 22, ndërsa klubi ka vendosur se për të prishur klauzolën e tij duhet të paguhen 50 milionë euro

Comments are closed.