Filmi për Freddie Mercury, dy çmimet në Golden Globes

Mbrëmjen e së dielës është zhilluar ceremonia e ndarjes së çmimeve të Golden Globes. Filmat “Bohemian Rhapsody” dhe “Green Book” kanë qenë befasitë e ceremonisë për ndarjen e Çmimeve Golden Globes këtë vit. Aktori amerikan, Rami Malek, që ka luajtur rolin e Freddie Mercuryt, pjesëtarit të grupit britanik, Queen, ka fituar Çmimin për Aktorin më të Mirë.

Ky film, me producent Bryan Singer, ka befasuar të gjithë, pasi ka mposhtur filmat “A star is born” të Bradley Cooper dhe “BlacKkKlansman”, të Spike Lee. Ky film po ashtu mori çmimin ‘Filmi më i mirë dramë’. Green Book, ishte një tjetër fitues i madh i mbrëmjes, duke siguruar tri çmime. Ky film mori çmimin ‘Komedia muzikore ose filmi komedi më i mirë’, ‘Skenari më i mirë’ dhe ‘Aktori më i mirë mbështetës’ për Mahershala Ali.

Fitoret në Golden Globes e bëjnë Green Book si një nga favoritët për Oscarët e muajit të ardhshëm. Një nga surprizat e tjera të natës në kategoritë e filmave ishte Glenn Close që mori çmimin ‘Aktorja më të mirë dramë’, për rolin e saj në The Wife.

Ajo mundi konkurrenten Lady Gaga, e cila pritej të fitonte për A Star Is Born. Filmi, “A Star Is Born”, rikrijimi i kartërt i filmit original të vitit 1937, ka fituar Çmimin për Këngën më të Mirë. Ndërkohë Çmimin për filmin më të mirë në Gjuhë të Huaj e ka fituar filmi “Roma”, i regjisorit meksikan, Alfonso Cuaron.