Është bërë ekspertizë për aksidentin në Draçevë, renoja ka kaluar në korsin e kundërt të rrugës

Shkup, 15 maj – Prokurori publik kujdestar nga Prokuroria Themelore Publike ka kryer ekspertizë në vendin e aksidentit të rëndë rrugor në afërsi të Draçevës, në të cilën pesë persona e humbën jetën, njofton Koha.mk

Nga Prokuroria informojnë se sipas informacioneve të para të ekspertizës, aksidenti ka ndodhur 15 minuta para mesnate, kur automobili “Reno 5” me targa të Shkupit i cili i ka transportuar viktimat, për shkaqe të panjohura ka kaluar në korsinë në drejtim të kundërt dhe drejtpërdrejtë është përplasur me një kamion për transportin e mbeturinave. Nga lëndimet e marra kanë vdekur të gjithë udhëtarët në automobil tre burra dhe dy gra.

Siç qëndron në kumtesë prokurori publik kompetent ka dhënë Urdhër për autopsi të trupave të të vdekurve, ndërsa do të bëhet edhe ekspertizë komunikacioni-teknike që të konfirmohen shkaqet e aksidentit. (koha.mk)