Epidemia në Belgjikë me shumë gjasa po i afrohet kulmit

24

Autoritetet shëndetësore belge mendojnë se me shumë “gjasa” vendi po i afrohet kulmit të infeksioneve nga koronavirusi, por është akoma shumë herët për t’i hequr masat e izolimit, njoftoi korrespondentja e MIA-s nga Brukseli.

Në 24 orët e fundit në Belgjikë janë hospitlizuar 487 pacientë për shkak koronavirusit, ndërsa 524 e kanë lëshuar spitalin, numri i shtretërve të zënë në spital është zvogëluar për 324, por numri i shtretërve në kujdesin intensiv është rritur në gjashtëmbëdhjetë shtretër.

Shifrat e fundit të hospitalizimit në Belgjikë po u japin autoriteteve shpresë se ngadalësimi është një sinjal se vendi po i afrohet kulmit të epidemisë, por ata besojnë se përpjekjet duhet të vazhdojnë derisa të sigurohen se kulmi është arritur dhe tejkaluar.

“Ne e shohim një ulje të numrit të personave të shtruar në spital, është një shenjë inkurajuese që përpjekjet tona po japin rezultate, por situata mbetet e vështirë në shtëpitë e pleqve dhe spitalet, ne duhet të vazhdojmë me këto përpjekje”, deklaroi virologu Emanuel Andren, nga Shtabi i Krizave.

Autoritetet tani do të monitorojnë se çfarë efekti do të kenë kushtet e përmirësuara klimatike, temperaturat në vend arrijnë 25 gradë këto ditë.

“Në infeksione të tjera të frymëmarrjes, moti i nxehtë ka një efekt në përhapjen e virusit, në rastin e koronavirusit jemi përballur me një virus dhe nuk e dimë saktësisht se çfarë efekti do të ketë klima e mirë, sigurisht që do të jetë pozitive, por jo edhe mjaftueshëm, nëse moti na ndihmon kjo është mirë, por ne nuk mund të besojmë vetëm në të”, deklaroi Andre.

Comments are closed.