Elisabetës i del rregulli “duarsh”, martesë gay në familjen mbretërore (FOTO)

Dy vjet më parë doli publikisht duke deklaruar se kishte luftuar kundër orientimit seksual gjatë 16 viteve të martesës së tij. Sot Ivar Mountbatten, kushëri 55-vjeçar i shkallës së tretë të Mbretëreshës Elizabeth, po organizon martesën e tij të dytë.


Dhe e veçanta e këtij njoftimi është se në verë ai do të martohet, jo me një femër, por me shokun e tij 56-vjeçar James Coyle.
Ndërkohë mediat shkruajnë për një tjetër lajm të bujshëm, pasi ish-gruaja Penelope Thompson do ta çojë atë në altar. Kjo është martesa e parë homoseksuale në familjen mbretërore britanike. Dasma do të zhvillohet në pronën private të Lord Mountbatten në Devon.


“Ideja që unë do të shoqëroj atë në altar u dha nga vajzat”, tha ish-gruaja Penelope për Daily Mail, duke iu referuar të tre vajzave që kishin së bashku: 22-vjeçarja Ella, Alix 20 vjeç dhe 15-vjeçarja Luli.


Ivar Mountbatten është biri i kadetit David Michael Mountbatten, Marqezi i tretë i Milford Haven. Babai, pasardhës i drejtpërdrejtë i Mbretëreshës Viktoria, ishte gjithashtu një dëshmitar i martesës së Filipit dhe Elizabetës.