EKSKLUZIVE: Pendarovski kandidat për president i LSDM-BDI

0

Shkup, 1 mars – Stevo Pendarovski do të jetë kandidati që sonte do të bëhet i ditur edhe zyrtarisht sonte në ora 20. Gazeta KOHA merr vesh se për Kryesinë e LSDM-së, ashtu edhe për BDI-në, Pendarovski është kandidati më i pranueshëm, pasi biografia e tij nuk prek asnjë çështje që tangon dy etnitetet më të mëdha në vend. Profesor dhe docent i sigurisë ndërkombëtare në Kolegjin Amerikan, LSDM dhe BDI mendojnë se me Pendarovskin mund t’i dilet përballë profesor Blerim Rekës, si kandidat i pavarur dhe që ka mbështetjen e Aleancës për Shqiptarët dhe Lëvizjes BESA. Emri i Pendarovskit do të publikohet sonte, në hotel “Hilton”, ndërsa do të promovohet nga Ali Ahmeti dhe Zoran Zaev. Nga gara tashmë është eliminuar Oliver Spasovski, kandidati i dytë që në anketat e brendshme të LSDM-së, kishte marrë mbështetje për president. (koha.mk)

Comments are closed.