Edhe anëtarët e KSHZ-së nga  LSDM-ja Duma dhe Milev dhanë dorëheqje

26

Shkup, 11 dhjetor – Kryetari i Komisionit shtetëror zgjedhor (KSHZ), Aleksandar Çiçakovski sot për MIA-n deklaroi se ka parashtruar kërkesë për ndërprerje të funksionit kryetar i Komisionit.

Dorëheqja, tha Çiçakovski, është akt i tij personal.

Në arkivin kuvendor kërkesë për ndërprerje të parakohshme të funksionit parashtruan edhe anëtarët e KSHZ-së të propozuar nga LSDM, Violeta Duma dhe Igor Milev, konfirmojnë nga Parlamenti.

Çiçakovski, Duma dhe Milev dorëheqjet i parashtruan pasi që në opinion ishte zbardhur se anëtarlt e KSHZ-së kanë amrrë kompensime të alrta për disa ciklet e fundit zgjedhore dhe internet peticionin për dorëheqje të anëtarëve të Komisionit.

Mandati i kësaj përbërje të komisionit skadon në vitin 2020. Çiçakovski është njeriu i parë i KSHZ-së nga radhët e ekspertëve prej vitit 2015 pas arritjes së Marrëveshjes së Përzhinos, ndërsa Duma dhe Milev janë propozuar nga radhët e partive politike.

Tani për tani nuk ka informata se anëtarë të tjerë të KSHZ-së kanë parashtruar dorëheqje,e dhe pse disa prej tyre konfirmojnë se tashmë u janë nënshkruar.

 

Comments are closed.