Dritat e pasme i kishte me foli, zviceranët i konfiskojnë shqiptarit “Porsche Cayenne”

Në vendngjarje është konstatuar se dritat e pasme kanë qenë të mbështjella me një foli të errët jashtëligjore

 

Një shtetasi 43-vjeçar të Maqedonisë – shqiptar, i është konfiskuar vetura e llojit “Porsche Cayenne (239 PS)”, e cila u kishte rënë në sy hetuesve civilë policorë. Bëhet fjalë për grupin policor “autopozë”, i cili ka për qëllim të tërheqë nga komunikacioni veturat që janë manipuluar në mënyrë të paligjshme nga pronarët, në mënyrë që të tërheqin vëmendjen e tyre për ekstravagancë në komunikacionin rrugor, thuhet në një komunikatë të policisë gjermane.

Në vendngjarje është konstatuar se dritat e pasme kanë qenë të mbështjella me një foli të errët jashtëligjore. Gjithashtu janë konstatuar edhe foli në xhamat e pasmë të cilat nuk lejohen në komunikacion. Është konstatuar se edhe sistemi i pastrimit të djegies është manipuluar.

Gjatë vrojtimit të mëtutjeshëm, është vërejtur një sistem tërësisht i ndryshëm i pastrimit të djegies me gjeneratorë të veçantë që shkaktojnë zhurmë të madhe. Gjatë matjes së fuqisë së zhurmës së veturës, është konstatuar se në vend të 77 decibelëve të lejuar, motori i tij ka shkaktuar zhurmë prej 121 decibelëve. Shtetasit maqedonas iu konfiskua vetura dhe do të inspektohet më hollësisht. (albinfo.ch)