DRILON JAHDAUTI: Energjia dhe pozitiviteti më japin vullnet në muzikë (FOTO)

47

Një këngëtar që ia thotë muzikës me vokalin e tij të mrekullueshëm është edhe Drilon Jahdauti. Ai deri më tani ka realizuar shumë projekte e këngë të bukura, ndërkohë që vjen në një intervistë për InfraRed të gazetës KOHA ku tregon mbi karrierën e tij muzikore

Bisedoi: Blerand REXHEPI

KOHA: Ç’vend zë muzika në jetën tënde?

Muzika për mua është gjithçka.

KOHA: Zgjohesh me këngë në mëngjes?

Zakonisht zgjohem pa muzikë, nuk është që kam ndonjë hit kushedi se sa por më pëlqen “Ishim po s’jena”.

KOHA: Flitet që je duke punuar paralelisht për këngë të reja. Mund të dimë më shumë detaje rreth tyre?

Për momentin po punoj në albumin tim të dytë live.

KOHA: Jemi në fillimet në muzikë, si kanë qenë për ty duke e ditur që ke kultivuar muzikën e pastër shqipe?

Unë ka kohë që merrem me muzikë, çdo ditë e më shumë për mua është më e bukur ajo që e bëj për muzikën, ka qenë dhe do të mbetet gjithçka shumë e mirë.

KOHA: Gjithsesi, publiku është ai që jep gjykimin më të drejtë… Si ndikoni në jetën dhe perceptimi tek publiku?

Me publikun jam shumë energjik, pozitiv i buzëqeshur gjatë gjithë kohës saktësisht ata që më shtynë janë kaq pozitiv.

KOHA: Mendon se ia “rrëmbeve” zemrat atyre me muzikë, a ke menduar për ndonjë profesion tjetër?

Mendoj se me muzikë…

KOHA: Në shtëpi krahas ndjenjës komode, çfarë bën?

Shikoj televizion, gatuaj, kërcej…

KOHA: Pasi i vendosni kyçin derën, lini jashtë saj edhe çështjet e problematikave në punë apo i merrni me vete?

Zakonisht nëse kam diçka pa përfunduar, jam pak njeri i stresuar ngado që shkoj i marr me vete…(qesh).

KOHA: Receta e preferuar?

Pasta (makarona, shpageti).

KOHA: Cili është vendi më i bukur në botë për ty?

Kosova.

KOHA: Shumëkush, sidomos person publik, nuk e ka luksin e të qenit i “pagjykuar”! Vlen e njëjta gjë edhe për ty?

Paragjykimet do jenë gjithmonë si me luks si pa luks, të paktën unë mendoj kështu.

KOHA: Gjëja që doni më shumë në punën tuaj?

Energjinë që e kam gjithmonë dhe pozitivitetin. Faleminderit Zotit që më jep fuqinë edhe vullnetin për atë punë.

KOHA: I keni qejf fëmijët?

I dua shumë, pse jo të kem dhe një familje të madhe.

KOHA: Si e sheh veten si baba i ardhshëm?

Besoj shumë i kujdesshëm shumë shokë me fëmijët e mi, t’i mbaj me sa më shumë dashuri.

KOHA: Çfarë leksioni të kanë dhënë prindërit?

Kanë qenë dhe janë akoma shumë të kujdesshëm për mua më kanë dhënë dashurinë më të madhe që duhet t’i jepet një fëmije.

KOHA: Libri i fundit që ke lexuar?

Nuk paralexoj libra zakonisht….

KOHA: Hera e fundit që ke qeshur aq shumë, sa të kanë dalë lot?

Kur isha në pushime.

KOHA: Kënga që këndon në dush?

Nuk këndoj shpesh në dush (qesh).

KOHA: Projektet që ju presin?

Albumi i ri dhe shumë këngë e projekte më presin…

Comments are closed.