DPHM: Vijon periudhë e motit të vranët dhe më të ngrohtë

Drejtoria për Punë Hidrometeorologjike (DPHM) kumtoi se vijon periudhë e motit të vranët dhe më të ngrohtë, që në vendet më të larta dhe në male do të shkaktojë shkrirjen e shpejtë të mbulesës së borës.

Në disa lugina dhe nesër në mëngjes, siç theksohet, do të kushte kushte për paraqitjen e mjegullës së dobët, por gjatë ditës do të fryjë erë e përforcuar juglindore. Të hënën do të ketë reshje lokale të shiut me intensitet më të ulët. Reshje më të mëdha priten të mërkurën, kur për shkak të ftohjes pak më të madhe, në malet, por edhe në disa vende më të larta do të ketë reshje të borës.

Lartësia e mbulesës së borës që është matur sot herët në mëngjes në Kodrën e Diellit është 92 centimetra, në Hanet e Mavrovës – 59, në Llazaropole – 42, Krushevë -39, në Pozharan -27, Tetovë -10 cm.

Moti sot është i ndryshueshëm me vranësira, në pjesët veriperëndimore me shi lokal, në disa vende me erë nga drejtimi juglindor dhe relativisht i ngrohtë. Temperatura maksimale do të arrijë deri në 15 gradë. Në Shkup do të ketë mot të vranët me mjegull të vogël paradite. Do të fryjë erë mesatare juglindore. Temperatura maksimale do të arrijë rreth 11 gradë, informojnë nga DPHM.(koha.mk)