E bëmë të pamundurën, duke dëshmuar se mrekullitë janë të mundshme. Në rrethana të vështira, e zgjodhëm problemin më të madh që nga pavarësia, që Maqedoninë me këmbëngulsi e tërhiqte mbrapa, porositi sonte në profilin e tij në Fejsbuk shefi i Diplomacisë së Maqedonisë, Nikolla Dimitrov, pasi i votoi paraprakisht Kuvendi ndryshimet kushtetuese, të cilat dalin prej Marrëveshjes së Prespës.
“E ndërmorëm përgjegjësinë e gjeneratës tonë, e përforcuam shtetin dhe krijuam kushte për një të ardhme më të mirë dhe më të sigurt për gjeneratat e ardhshme. E ruajtëm më kryesoren, identitetin maqedonas ndërsa Maqedoninë tonë e përkufizuam nga fqinjët tanë”, theksoi Dimitrov.
“Ju falënderoj për mbështetjen kur ishte më së vështiri, për këshillat por edhe për kritikat. Jam krenar me popullin maqedonas, me bashkëqytetarët tanë shqiptarë, turq, serbë, vllehë, romë, boshnjakë dhe të gjithë të tjerët. Treguam se në Maqedoninë tonë, jeton e ardhmja, fytyra evropiane e Ballkanit. Kur dëshirojmë, mundemi. Tani t’i përvjelim mëngët, ta bëjmë evropiane në çdo kuptim. Secili me të veten. Do t’ia dalim!”, shton shefi i diplomacisë së Maqedonisë në mesazhin e tij.