Dias te City, mungon zyrtarizimi

22

Ruben Dias mund të quhet një lojtar i ri i Manchester Cityt, edhe pse mungon vetëm zyrtarizimi. Manchester City dhe Benfica kanë arritur marrëveshje për yllin portugez pas shumë ditësh negociatash. Gjiganti anglez ka ofruar 55 milionë euro, plus shërbimet e qendërmbrojtësit Nicolas Otamendi që do t’i bashkohet Benficës.

Fabrizio Romano ka publikuar edhe detajet nga kjo marrëveshje, ku bëhet e ditur se Diaz do të nënshkruajë kontratë pesë vjeçare me klubin e udhëhequr nga Pep Guardiola. Në anën tjetër Otamendi do ta vazhdoj karrierën në Portugali ku do të firmosë një kontratë tri vjeçare me Benficën. Gjatë orëve të ardhshme pritet vetëm të zyrtarizohet kjo marrëveshje, pasi Diaz ka luajtur mbrëmë ndeshjen e fundit me Benficën dhe ka marrë rrugë për në Angli.  Ai ishte edhe kapiten i Benficës ndaj Moreirenses ku edhe shënoi një gol dhe u shpreh shumë emocional pas ndeshjes.

“Kjo ishte një ndeshje shumë e rëndësishme për mua dhe isha në gjendje ta kurorëzojë me gol ishte diçka shumë e veçantë. Të gjithë në klub e din pse ishte e veçantë kjo ndeshje për mua dhe ta bartja edhe shiritin e kapiteni ishte diçka fantastike”, deklaroi Dias pas ndeshjes me lot në sy, por pa përmendur në asnjë moment Manchester Cityn. 23-vjeçari pritet që sot të marrë rrugë për në Angli, ku pastaj do t’i kryejë testet mjekësore dhe të zyrtarizohet te Manchester City.

Comments are closed.