Tekniku italian Eusebio Di Francesco pritet të marrë drejtimin e skuadrës nga La Liga, Sevilla. Lajmi është bërë i ditur të enjten nga e përditshmja italiane “Gazzetta dello Sport”.
Mësohet se Di Francesco në parim ka arritur marrëveshje me drejtuesit e Sevillas, të cilët e duan për trajner prej edicionit të ardhshëm, transmeton Koha Ditore.
Aktualisht, Sevilla po drejtohet nga trajneri i përkohshëm Joaquin Caparros që është angazhuar deri në fund të këtij edicioni.
Di Franceso javë më parë është larguar nga skuadra e Romës kurse si trajner ka punuar edhe te Sassuolo.