Çudia nga Shanghai, një stadium me fushë bari në çati!

Si një projekt i artit të tokës, MAD Architects konceptoi idenë e Quzhou Stadium, një stadium spirale betoni i ngulitur në tokë dhe i mbuluar me çati bari. Stadiumi me një sipërfaqe prej 33.731 metra katrorë dhe një kapacitet prej 30.000 vendesh ndodhet në qytetin Quzhou , 400 kilometra në jugperëndim të Shangait dhe është i rrethuar nga pyje. Është qendra e parkut sportiv në ndërtim Quzhou, sipërfaqja e të cilit do të arrijë në 700 kilometra katrorë. Do të jetë “kompleksi më i madh në brendësi në botë” , pretendon zyra, e cila drejtohet nga arkitekti Ma Yansong.

Edhe pse është pjesërisht i zhytur në tokë, forma e stadiumit është krijuar me një pikë referimi një varg malor që duket prej tij. “Peisazhi sjell në mendje peisazhet e planetëve të imagjinuara nga shkrimtarët vizionarë të trillimeve shkencore”, tha zyra. “Për Ma Yansong, stadiumi largohet nga arkitektura konvencionale e ambienteve sportive. Ai u konceptua si një pjesë e artit tokësor që zhytet në natyrë dhe mirëpret të gjithë të mblidhen dhe të ndajnë frymën e sportit”, shtuan ata.