E ardhmja e Cristiano Ronaldos (35 vjeç) dhe ajo e Kylian Mbappé (21) duket se bashkohen diku, në një mënyrë apo në një tjetër. Nëse Real Madridi dëshiron ta bëjë francezin yllin e tij të ri, pasi portugezi mblodhi bagazhet në drejtim të Torinos, PSG nuk e lejon këtë dhe i jep përparësi qëndrueshmërisë me Neymar. Sidoqoftë, sipas portalit italian “Calciomercato.it”, skuadra parisienë nuk i heq sytë nga situata ekonomike e Juventusit, e cila mund ta detyrojë klubin bardhezi të ndahet me yllin e saj më herët sesa ishte planifikuar.
Shkatërrimet ekonomike nga COVID-19 e detyrojnë “Zonjën e Vjetër” të rimendojë kontratën me Cristiano Ronaldon. Siç deklaroi gazetari Italian, Marco Bellinazzo, “operacioni CR7 do sillte përfitime ekonomike dhe kjo prirje duhej të ishte konfirmuar në vitin 2020 dhe 2021”. Sidoqoftë, ai mbron idenë se shpërthimi i pandemisë e detyron Juventusin ta shesë portugezin në fund të këtij sezoni. Nuk duhet harruar, sipas pagave të filtruara nga “Gazzetta dello Sport”, ish-madridasi është lojtari më i paguar në Serie A, me 31 milionë euro neto në vit, pothuajse katër herë më shumë se ndjekësi i tij më i afërt, Matthijs de Ligt (8 milionë euro). Kjo do të thotë një shpenzim vjetor prej rreth 80 milionë euro për ekipin italian, një shumë e papërballueshme, sipas asaj që është botuar nga shtypi italian, pa përfitimet e parashikuara parandemike.
Dhe këtu hyn në lojë PSG. Nuk është hera e parë që emrat kryqëzohen. “France Football” tashmë ka zbuluar se ideja për të luajtur në “Parc des Princes” e josh yllin portugez, megjithëse asgjë nuk është realizuar deri tani. Marrëdhënia e mirë e Cristiano me Neymar dhe Mbappé do të ishte një nga arsyet më bindëse, që e bëri 35-vjeçarin të mendojë këtë mundësi. Sidoqoftë, me ekipin parisien të zhytur në rinovimin e dyfishtë të yjeve të vet, Ronaldo shfaqet si një zëvendësues dhe jo si një plotësues.
Gjithmonë sipas informacionit të botuar nga shtypi italian, mbajtja e CR7 në Torino është bërë mision mjaft i vështirë për Juven, por nuk do të ishte i tillë për PSG-në. Neymar (37 milionë euro neto) dhe Mbappé (20.4 milionë euro neto), të cilët pranuan një ulje të pagave, ndajnë një hap ekonomik të ngjashëm me atë që Cristiano do të zinte, nëse përfundimisht do të zbarkonte në Paris. Por, siç themi, llogaritë do të shtoheshin vetëm nëse një nga yjet parisienë paketon çantat e tij. Mbappé është favoriti për këtë dhe përpjekjet më të mëdha janë drejtuar drejt tij. Plani i Real Madridit 2021 kalon përmes Kylian, ndaj mundësia që portugezi të largohet nga Torino do të prishte plotësisht operacionin e Mbappé.
Ronaldo, prapë pozitiv me Covid-19
Cristiano Ronaldo është testuar pozitiv me COVID-19, ka shkruar Sky Sport Italia, kështu që ai mungoi në ndeshjen Juventus-Barcelona që u zhvillohet mbrëmë. Ronaldo ka qenë në vetizolim prej që u testua pozitivë më 13 tetor ku u testua pozitiv sa ishte me Përfaqësuesen e Portugalisë. Ai u kthye me një avion privat në mbikëqyrje të autoriteteve vendor. Ai ishte asimptomatik gjatë gjithë kohës, kështu që ende nuk është i pastër pasi që nuk ka rezultuar negativ në dy teste brenda 24 orëve. Pritet që të kryhen edhe disa procedura mjekësore që kanë filluar që nga java e kaluar, por prapë se prapë ai është testuar pozitiv edhe të martën. Megjithatë, Sky Sport Italia raportoi të martën në mbrëmje se ka rezultuar ende pozitivë. 35 vjeçari nuk ka luajtur që nga data 11 tetor, në barazimin e Portugalisë kundër Francës.