Çfarë shifrash! Gazetari zbulon blerjen e re të Realit të Madridit

Pavarësisht garës së madhe, Kylian Mbappe vendosi të qëndrojë në Paris të paktën edhe për një sezon. Ylli francez ishte shumë pranë rikthimit në La Liga, me Realin e Madridit që ishte i gatshëm të përmbushnin çdo kërkesë të PSG-së për ta transferuar në Spanjë.

Por, një gjë e tillë nuk ndodhi dhe “djaloshi i artë” do të jetë pjesë e PSG-së edhe për këtë vit. Kjo për shkak se gazetari spanjoll, Eduardo Inda zbulon se sulmuesi do të largohet nga kryeqyteti francez dhe këtë do e bëjë për tu transferuar në “Santiago Bernabeu” në verën e ardhshme.

Kampioni i Botës ishte lidhur me një transferim në Madrid para se të transferohej në kryeqytetin francez nga Monaco në verën e vitit 2017, por merkato e ardhshme pritet që të kryqëzojë rrugët e tyre.

Për kartonin e tij, besohet se “Los Blancos” janë të gatshëm të paguajnë plot 225 milionë euro në arkat e klubit francez, plus 50 milionë të tjera shtesë. Ndërkohë, në rast të një transferimi të tij në Spanjë, Mbappe do të bëhej ndër futbollistët më të paguar , më rreth 35 milionë euro në sezon.