Me ardhjen e vjeshtës e më tej të dimrit të gjithë jemi të shqetësuar për sa i përket rrezikut për tu prekur nga COVID-19. Megjithatë ne harrojmë që gripi stinor është po aq problematik sa COVID. Por çfarë do ndodhte nëse prekemi edhe nga gripi edhe nga COVID? Si reagon trupi ynë?
“Nëse sëmureni me grip, apo sëmundje të tjera të frymëmarrjes, trupi juaj dobësohet. Sistemi imunitar është më i dobët, ndaj ju jeni më pak të mbrojtur nga një infektim i dytë. Kështu shanset për t’u prekur rriten më shumë. Si Covid-19 edhe gripi mund të sulmojnë mushkëritë, duke shkaktuar pneumoni”, thotë epidemiologia britanike Dr. Seema Yasmin. Ndërkohë që simptomat e virusit të gripit dhe atij të Covid-19 mund të jenë shumë të ngjashme, ndryshimi dallohet nga radha e shfaqjes së simptomave.