Carovska: Vetëm me dialog mund të krijojmë masa për punësim që do të jenë të mira për të gjithë

Shkup, 13 shtator – Ministrja për Punë dhe Politikë Sociale Milla Carovska sot ka folur në panel diskutimin kushtuar “Mungesës së fuqisë punëtore cilësore dhe inovacionet në industri” në Samitin sipërmarrës ballkanik që mbahet në Shkup.

“Të rinjtë janë e ardhmja e shtetit dhe secili nga ne obligohet të investojë në ta, arsimimin e tyre, në kushte për përparim dhe të krijojë politika të cilat do të japin efekte të fuqishme në uljen e papunësisë dhe shpërnguljes”, ka thënë Carovska.

Gjatë këtij viti ka shtuar ministrja për herë të parë kemi Plan operativ me masa aktive për punësim nga kemi ndarë rekord 1.1 miliardë denarë.

“Kjo është shuma më e lartë deri tani, tre herë më e lartë në krahasim me vitin 2014. Më vjen mirë që këtë plan e kemi punuar me forca të bashkuara me sektorin e biznesit dhe është i adaptuar në nevojat e tregut të punës. Këtë praktikë do ta ndjekim edhe për Planin operativ për vitin 2020, pasi vetëm përmes dialogut që do ta zbresim në nivel lokal do të mund të krijojmë masa që do të jenë të mira për të gjithë”, ka thënë Carovska.

Ajo ka shtuar se me zgjidhjet e reja ligjore siç është Ligji për praktikë por edhe me Garancinë e të rinjve që është pjesë e planit operativ krijohen mundësi të reja për punësimin e të rinjve dhe tejkalimin e hendekut që krijohet nga përfundimi i arsimit deri te angazhimi i punës.

Siç ka thënë MPPS, RMV është vendi i vetëm i cili nuk është anëtar i BE-së, ndërsa e ka garancinë për të rinjtë.

Carovska ka thënë se edhe arsimi dual është një nga proceset të krijojmë persona të rinj që dinë të punojnë dhe ta bëjnë atë. Në këtë mënyrë u mundësohet hyrje e sigurt në tregun e punës dhe shans për zhvillim profesional, ndërsa punëdhënësve u ofrojmë kuadër të përgatitur e cila mund të fillojë me punë menjëherë.

Samiti është në organizim të Odës Ekonomike dhe Qendrës së Maqedonisë për arsim joformal Creative Hub që mbahet në Shkup.