Carovska: Së bashku me mësimdhënësit do të tejkalojmë sfidat

31

Shkup, 22 shtator – Së bashku mund të tregojmë se viti shkollor 2020/2021 do të jetë i suksesshëm. Mësimdhënësit janë themeli. Sfida ka dhe të gjithë kemi përgjegjësi, si prindërit, studentët, deputetët, ashtu edhe mediat, për të treguar që sistemi duhet të funksionojë dhe arsimimi duhet të vazhdojë. Këtë e theksoi Ministrja e Arsimit dhe Shkencës Mila Carovska në emisionin debatues “Programi 200” në Televizionin Alsat.

Nuk jam dakord se është më mirë të mos mbahen orë mësimore këtë vit. Koha e humbur në zhvillimin e fëmijëve ka humbur vite më tej për shtetin. Edhe në luftëra mësimdhënia është mbajtur me cilësime të ulët, me ndërprerje, por kishte edukim. “Le të jetë me pushime dhe cilësi të zvogëluar, por stimulimi i fëmijëve do të vazhdojë sepse për trurin e tyre, për zhvillimin e tyre është shumë e rëndësishme që të ketë mësim”, theksoi Carovska.

Trajnimi i vazhdueshëm i mësimdhënësve do të vazhdojë. Është e rëndësishme të punohet në motivimin e tyre dhe të sigurohet mësim edhe në kohë pandemie. Vështirësitë që do të hasim së bashku do të tejkalohen dhe kjo është arsyeja pse Ministria e Arsimit dhe Shkencës është në kontakt të vazhdueshëm me sindikatën, drejtorët e shkollave dhe kryetarët e komunave.

“Komunat aktualisht janë përgjegjëse dhe po përgatiten, si për infrastrukturën, internetin dhe kompjuterët, dhe kësaj here ato duhet të jenë në kryetë detyrës. Këto janë rrethana të jashtëzakonshme. Unë jam në komunikim të vazhdueshëm me kryetarët e komunave dhe drejtorët, dhe si ministër nuk i marr kurrë vendimet në mënyrë të pavarur. Kursimet nga bllok-grantet në 6 muajt e kaluar duhet të ridrejtohen , të sigurojnë pajisje dhe çka nevojitet për mësimdhënësit që të jenë në gjendje të bëjnë punën e tyre, “tha Ministrja Carovska.

Ministria e Arsimit dhe Shkencës përpiqet që të gjithë fëmijët të kenë qasje të barabartë në arsim.

Nxënësit që nuk kanë pajisje IT do të jenë në gjendje të përcjellin TV sepse është gjithashtu medium për mësimin në distancë dhe ai medium është më i kapshëm se kompjuteri. Në periudhë kaq të shkurtër kohore, pajisjet nuk mund të sigurohen për të gjithë nxënësit që nuk i kanë ato. Për këtë arsye ne ofrojmë alternativë, me të cilën ata do të jenë në gjendje të fitojnë njohuri të caktuara “, tha Carovska.

Comments are closed.