Bytyqi: Qytetarët duhet të jenë të relaksuar, çdo denar që detyrohemi, shkon për nevojat e tyre

54

Shkup, 27 nëntor – Për sa kohë që profesionistët nga Komisioni për sëmundje infektive thonë se nuk ka ardhur koha për masa më kufizuese, do të qëndroj në të njëjtin qëndrim, se duhet ta respektojmë atë. Ne e ndjekim atë dhe çdo koment është i rëndësishëm për ne, për çdo qytetar, por duhet të kujdesemi për të gjithë në mënyrë të barabartë, edhe për qytetarët dhe ekonominë dhe punonjësit e shëndetësisë. Në këtë moment, ne nuk duhet të shohim nëse do ta kënaqim një, ndërsa do ta dëmtojmë tjetrin, por duam që dëmi të jetë më pak kudo, në çdo segment, tha zëvendëskryeministri për Çështjet Ekonomike, Fatmir Bytyqi.

Në një intervistë për ditarin në TV Sitell, Bytyqi theksoi se huamarrja e shtetit është për të mirën e qytetarëve, për të siguruar nevojat e tyre themelore dhe kjo çështje, megjithëse tani shumë “e nxehtë”, për disa vjet do të jetë plotësisht e parëndësishme.

Qeveria, nënvizon Bytyqi, po vëzhgon me vigjilencë gjithçka që po ndodh, dhe monitoron të gjithë treguesit nga qytetarët, ekonominë dhe sferën sociale dhe reagon në përputhje me rrethanat. Pothuajse çdo sesion sjell masa plotësuese, për grupe qytetarësh, për ndërmarrje publike, për kompani, sepse shihet se tani duhet t’u ofrohet atyre në përkrahje. Do të jetë kështu, njoftoi ai, deri në fund të këtij viti dhe në fillim të vitit të ardhshëm.

Sipas tij, kategorizimi i skenarëve të errëta nuk është i nevojshëm për këtë moment.

Në lidhje me Buxhetin për vitin 2021 dhe vlerësimin e biznesmenëve se ai është tepër ambicioz me 3,5 miliardë euro në anën e të ardhurave, Bytyqi është i bindur se parashikimi i tillë është optimal, as pesimist, e as optimist.

“Ne kemi kapacitetin si ekonomi, si biznes, për të mbledhur kaq tatime”, është decid Bytyqi.

I pyetur nëse Qeveria mund të jetë e sigurt se deficiti do të mbetet vetëm gjysmë miliardë në vitin 2021, siç parashikohet në buxhet, Bytyqi tha se e njëjta pyetje duhet t’u parashtrohet të gjitha vendeve në botë.